Job Description
Vi lyser ut ei ledig fast psykiaterstilling og søker ein engasjert medarbeidar som vil bidra til å vidareutvikle tilbodet vårt ved DPS poliklinikk for psykisk helsevern i Ålesund. Poliklinikken består av sju behandlarteam: eit gruppebehandlingsteam, eit ROP team og fire til dels spissa allmennteam. Vi har også eit nyoppretta Tidleg Avklaringsteam som møter pasientar tidleg etter henvisning og tilbyr fleksibel oppfølging i etterkant. Allmennteama våre består av to generalistteam, eit traumeteam og eit nevropsykiatrisk team. I haust starta vi prosessen med å utvide tilbodet vårt med B4DT (fire dagers behandling for angstlidingar). Poliklinikkane innan psykisk helsevern i Helse Møre og Romsdal har dei siste ni månadane prøvd ut Kunstig Intelligens til hjelp i journalskriving. Vi har 15 spesialistar innan psykologi og psykiatri, der 6 er spesialistar i psykiatri. VI har i tillegg to LIS legar i rotasjon i poliklinikken. Stillinga er i eit allmennteam.